來到2019年,今年各家製造商都相繼發佈以辣味為主題的新產品,運用唔同的香辛料作調味。

睇黎連出名唔擅長食辣的日本人都迷上了香辣刺激的味道。另外,仲有多款以日本著名拉麵店聯乘製作的新產品,安在家中都可以品嚐在地風味。

 

現在就來睇睇2019年推薦人氣排名TOP 15係邊幾款杯麵吧~!

 

第15位:札幌一番名店之味「桂花」麻油豚骨拉麵

札幌著一番推出的名店之味系列,今次合作的是熊本人氣拉麵店「桂花」!

呢款碗麵還原了名店「桂花」的經典口味拉麵。濃郁的豚骨湯底融合了大量麻油,仲有陣陣蒜香!麵條選用同湯底好夾的中粗捲麵,搭配爽脆的海帶芽。

 

來源: http://cupmen.org

 

 

第14位:Yamadai 凄麵 香蔥味噌拉麵

Yamadai凄麵系列一向以高度還原現煮拉麵而聞名,呢款拉麵帶有濃郁的味噌風湯底伴著爽脆的香蔥,仲加入蒜蓉増添香味。

凄麵使用的麵條非油炸,係講求同拉麵店同級的麵質。小編身邊都有好鐘意食蔥既朋友,呢款拉麵啱哂!

 

來源: http://cupmen.org

 

 

第13位:Super Cup MAX 豚骨拉麵

 

 

Super Cup Max的特點是夠哂大碗!平時食一個杯麵唔飽既朋友就最適合。

今年新推出的豚骨風味,湯底厚實有豬骨湯特有的濃稠感,仲加入胡椒提味。難怪呢款拉麵一推出就深受日本年青人歡迎。

 

來源: http://cupmen.org

 

 

第12位: Sugakiya 「麺処井の庄」監製 辛辛魚拉麵

愛辣人士請舉手!Sugakiya今年聯乘東京石神井的人氣店「麺処井の庄」推出新款碗麵!

以豚骨湯底為基礎,加入特製辣油、辣魚粉同唐辛子。味道相當刺激,煮好仲紅通通一片。

小編自問就唔敢挑戰,不過愛辣的朋友切勿錯過!

 

來源: http://cupmen.org

 

 

第11位:日清合味道 原味

 

 

萬年又長青的款式!我想無人未食過。

而大家又知道嗎?世界上第一款杯麵就係由日清於1971年推出的合味道。賣左近五十年,就紅足咁耐!

一直係杯麵指標性既產品。原味使用的是醬油湯底,配料有大豆肉粒、雞蛋同蝦。簡單而美味,佔據每年磅單的王道地位。

 

來源: http:/nissin.co.jp

 

 

第10位:Acecook 海帶拉麵

 

Acecook的海帶拉麵係日本長期熱銷款式。因為含有大量海帶,是一款相對健康的杯麵。

醬油湯底味道鮮美,是令人吃不厭的美味。為慶祝35週年,今年仲推出海帶3.5倍同7倍既特別版。

 

來源: http://cupmen.org

 

 

第9位:日清 麵Nippon 八王子洋蔥醬油拉麵

 

日清推出的當地名物拉麵系列,而呢款拉麵就還原了八王子市著名的洋蔥醬油拉麵。

湯底使用雞骨與小魚干熬製,充滿傳統風味。配料有大量乾燥洋蔥,入口味道清甜,配合生麵風的中幼直身拉麵。

 

來源: http://cupmen.org

 

 

第8位:7-11 聯乘「蒙古湯麵中本」 辣味噌湯麵

 

名店「蒙古湯麵中本」與7-11已聯乘推出過多款口味,每款都辣度驚人!

而今次推出的是味噌湯口味,配料有蔬菜同豆腐,當然唔少得大量唐辛子同特製辣油!

麵體係粗身直麵,吸湯得黎好咬口。愛辣既朋友快啲試下!

 

來源: http://cupmen.org

 

 

第7位:日清合味道 咖哩味

 

 

再來一款經典口味!日本合味道原味、海鮮味同咖哩味一直係品牌既「御三家」,穩佔每年杯麵銷量的前10大。

在日本亦係各有擁躉。而咖哩味係三款當中相對濃味,豐富的配料除左大家都愛既合味道肉粒,仲有薯仔同紅蘿蔔,襯埋濃郁的咖哩湯底真係一大享受!

 

來源: http:/nissin.co.jp

 

 

第6位:東洋 Maruchan QTTA醬油杯麵

 

 

東洋QTTA杯麵系列當初推出時便揚言要打倒合味道的領導地位!

講究的湯底、配料同麵條,誓要製造最美味的杯麵。經典的醬油味湯底清甜,麵條經豬油炸成,光滑有彈性仲有種特別的香味。

食慣左合味道的朋友不妨試下,可能有驚喜!

 

來源: http://instantyuu.net

 

 

第5位:札幌一番 和拉 三重伊勢龍蝦湯味

 

 

愛以日本當地鄉土料理為概念的和拉杯麵,每款口味都各極特色。

而呢款龍蝦口味就喺味噌湯上完美融合了龍蝦的鮮味,製成香濃鮮味的湯底。

麵條為生麵質感的光滑麵條,配料仲有鮮蝦丸子同蔬菜。對鐘意龍蝦的人是一大享受!

 

來源: http://cupmen.org

 

 

第4位:日清唐辛子麵 香辣海鮮味

 

 

小編覺得近年日本人真係要為唔食辣既印象雪恥。

連日清食品都專門開設了辣麵的新系列,以唐辛子做主題創作多款口味。

呢款香辣海鮮喺豬肉湯底上加入海鮮的鮮味與唐辛子調味。

仲有個特別之處,呢個系列連麵條都含有唐辛子,真係由頭辣到尾!

不過唔食得太辣既朋友都唔洗擔心,辣粉係另外包裝,可以按個人口味添加。

 

來源: http://cupmen.org

 

 

第3位:明星Charumera 超硬麵 豚骨風味

 

 

日本各地都有偏好的拉麵口味,而九州就鐘意偏硬的麵條。

呢款豚骨拉麵湯底濃厚,有豬骨味之外仲有扇貝的甜味同大蒜等香料。

麵條係博多拉麵特色的極幼直身拉麵,落熱水60秒就食得!千祈唔好焗咁耐!

唔洗飛日本都食到正宗的九州拉麵。

 

來源: http://mog3.net

 

 

第2位:日清 排隊名店系列 和歌山特濃豚骨醬油拉麵

正如上面說,日本各地都有唔同特色的拉麵,而和歌山的特色便是豚骨醬油拉麵。

日清嘗試還現呢款令人大排長龍的美味拉麵。

喺豚骨湯底上加入濃郁的醬油,係一種極濃厚的上湯,有令人一口飲哂既魅力!

 

來源: http://cupmen.org

 

 

第1位:日清 拉王 背脂醬油拉麵

第一位係日清拉王的背脂醬油拉麵!拉王系列歷經多年,可以話係非油炸即食麵既始祖‧多年來更換過多次包裝,目前使用的是特色的八角型碗身。

背脂醬油風味一直係皇牌產品,富含豬背脂的雞骨湯加入香濃的醬油,充滿鮮味。

配料仲有大片厚切叉燒!味道超越了一般即食麵的級數!

 

來源: http://cupmen.org

 

資料來源:https//kurashi-no.jp/I0027884